توب الوفا

عادل زوين

لك قلب نوره عفي

وفي وفاءه خلاص

القوة في الإخلاص

تملك زمام كونك

 

أما اللي طبعه خسيس

ما تغليهوش ده رخيص

ندل ومعاه ترخيص

تآمنه ويخونك

 

صدقني يا ابن الناس

حتي الجبل له أساس

سانده وله ونَّاس

خلي الوفِي عُونك

 

سوس الخشب خوَّان

بيهري من جوا

واللي قنيه لم صان

سلبه الخسيس قوة

اوعاك ده ما يصونك

 

لو دنيا علَّت في خاين

ما تقولش فاز بيها

الأسد ساكنه العرايان

وكلاب ما تسبيها

يبقي الخسيس دونك

 

النخل صالب وطيب

وجريده زنده وبنانه

والموز يموت لم يغيِّب

وقاتله خاين بنانه

اختار لو خيرونك

 

توب الرجولة ده لايق

علي اللي يوفي بوعوده

مش هلف توبه خلايق

محنية راسه وعوده

ولا هو شكلك ولونك

إقرأ أيضاً:

تجاعيد

نداء

مشهدهزلي