سلوى عثمان في حوار لـ رؤية وطن : “سعيدة بالمشاركة في عمل بيناقش قضية مهمة مثل تجارة الأعضاء”
حوار/ ملك علاء
فنانة مميزة قديرة استطاعت أن تتربع في قلب الجمهور قادرة على توصيل مشاعرها للجمهور بكل بساطة تألقت وابدعت في تقديم دور الأم والصديقة والأخت شاركت مع كبار النجوم منذ بداية مشوارها الفني
معنا في حوار اليوم الفنانة المميزة سلوى عثمان
في البداية ألف مبروك لمشاركتك وتألقك في مسلسل “بابلو”
ما شعورك عقب ردود الأفعال على المسلسل؟
ببقى مبسوطة بردود الأفعال وسعيدة أن الناس بتابع مسلسل احنا عاملين فيه مجهود والحمدلله ادوارنا كلنا حلوة وقريبة للناس لأن كل واحد في المسلسل عامل مجهود لكى يجعل كل المشاهدين سعداء بالدور أو بالمسلسل.
كيف كانت علاقتك مع الفنان حسن الرداد وهذا ثانى عمل تشاركى معه فيه ؟
أول مرة أكون قريبة من حسن الرداد لأني اقدم دور والدته، حسن جميل أوى وفنان مجتهد وعايز ينجح دايما، ويحب كل زملائه في اللوكيشن ويتعامل مع كل الناس بطريقة حلوة وهو شخصية جميلة تحبى تتعاملى معه دايما وأنا سعيدة أنى قدمت عمل معه السنادى.
ما الذي جذبك في العمل في المسلسل؟
المسلسل مكتوب حلو ويتحدث عن تجارة الأعضاء البشرية والحارة الشعبية مسلسل مليان أحداث وشارك فيه ممثلين حلوين والسيناريو والحوار أستاذ حسان دهشان عامل شغل حلو اوى وطبعا محمد حماقي مخرج جميل وأستاذ ممدوح شاهين المنتج ده غير الممثلين زملائى كلهم نجوم وفنانين كبار وأكيد هبقى حابة اشتغل في مسلسل زى ده.
كيف كان العمل مع المخرج محمد عبد الرحمن حماقي؟
محمد عبد الرحمن حماقي مخرج جميل ومهتم بكل الممثلين فلا نجده يهتم بممثل أكثر من ممثل اخر وهو مهتم بعمله وبالشخصيات اللى بيقدمها ومنجز في عمله بيحب ينجز عمله على أكمل وجه وفنان ومخرج ربنا يكرمه ويبقى من أحسن المخرجين اللى عندنا.
هل واجهتى صعوبة في التصوير بعد مرض الفنان عثمان محمد ؟
هو بابا كان عمل شوية شغل لا بئس بهم الدور اتفرد على المسلسل كله بالنسبالي أنا طبعا كنت زعلانة لأن بابا تعب ومكملش دوره لأن دوره كان له باقى ولكن الحمد لله أن احنا اطمنا عليه لأنه ذهب إلى المشفى وأنا مقدرتش أترك التصوير واذهب معه إلى المشفى لكن بعد لما خلصت تصوير ذهبت إليه لأن الشغل كان طول اليوم وهما في المشفى قاموا بإيقاف الجلطة وهو دلوقتي سافر إسكندرية لأن منزله هناك وهو يكمل علاجه وطبعا أنا بتمناله الشفاء وهما كـ دور ظبطوا دوره على المسلسل وأنا كان ليا معه مشاهد أخرى حلوة ولكن ربنا ماسعفناش أن احنا نعملها لأنه تعب.
كلمة عن المسلسل؟
أنا سعيدة بالمسلسل لأن المسلسل حلو ومكتوب حلو وممثلين رائعين وأنا في صحبة حلوة ما بين مخرج وبطل العمل وممثلين وما بين منتج ومؤلف صحبة ورد حلوة انا بعتبرها.
حضرتك شايفة أن رمضان السنة دي قدم شخصيات ماكنتش تقدم في الأعوام السابقة ؟
هو السنادى الشخصية المتميزة اللى حصلت هي في مسلسل الاختيار ياسر جلال عامل شخصية السيد رئيس الجمهورية وأول مرة يسمح الرئيس بعمل هذا الدور وده يعتبر تاريخ للدور السيد الرئيس عمله في حياتنا هو وقف بجانبنا وجعلنا نتخطى مرحلة كانت صعبة ده كان حاجة هائلة ومتوقعناش بصراحة أن ياسر جلال يعمل هذا الدور بإتقان عمل الدور بشكل متقن جدا وقلده كويس أوى ونقل شخصية الرئيس وهو موجود في الحكم دى حاجة جميلة من الرئيس عبد الفتاح السيسى أنه يوافق على هذا العمل وشئ جميل من ياسر جلال لأنه اهتم بشغله وطور من الشخصية لأن طبعا شخصية الرئيس كبيرة ومش أى حد يكون على قدر من المسئولية لكى يقدم هذه
الشخصية.
ما رأيك في السباق الرمضاني لهذا العام؟
طبعا الحاجات المميزة على جمب نضع الاختيار لوحده ولا يدخل في منافسة مع أحد لأنه عمل وطنى كبير وبعد كده اللى بسمع عنه ولم أشاهده بعد مسلسل جزيرة غمام بيقولوا أن هو حلو جدا الكبير أوى معمول شغل حلو طبعا مسلسلنا الحمد لله بنسبة مشاهدة وجماهرية حلوة بس بردو كنا عايزين حاجات تنور أكثر من كده خلال شهر رمضان.
ما طقوسك في شهر رمضان؟
الطقوس العادية بتاعت كل الناس الصائمة مهتمة أنى أقوم وأفعل الفطار ولو معنديش شغل بنزل أجيب الحاجات اللى نقصانى بنذهب في بعض الأوقات عند والدة زوجي أو عند أخوية هما بيجوا عندنا في حدود أنى في بعض الأوقات بيكون عندى شغل في رمضان فليس عندى وقت أنى اعزم واتعزم أوى وطبعا الصوم والصلاة والتراويح.
