رؤية وابداع
يا أمي
محمد عبد العزيز رمضان
يا أمي يا أغلى من عمري
بحبك وإنتي جوايا
ومن غيرك أنا ما أسوى
يا كل سعدي وهنايا
وشلتيني وأنا ببكي
ومن عمرك وهبتيني
سمعتيني وأنا بحكي
سهرتي الليل تسليني
ومن أوجاعي يا أمي
ما فيش غيرك بيشفيني
لأنك إنتي نبع حنان
ومن نبعه بترويني
ومهما بعدت يا أمي
دعاكي معايا يحميني
ومهما كبرت يا أمي
انا محتاج تضميني
وتحكيلي كمان حكايات
وبعدك عني يكويني
وياما دريتي عني دموع
ومن فرحك بتديني
وجوعتي عشان انا أشبع
ومن أوجاعي تحميني
بحبك أيوه يا أمي
ونظرة عين بتشجيني
وصوتك كله دفا وحنان
وعمرك يوم ما تنسيني
وحبك ليا سر أمان
ومين غيرك بيهديني
ونفسي بجد يا أمي
تمدي إيديكي تخديني
إقرأ أيضاً:
موج القمر
سجين
حلم متشعبط
إتبعنا
