يا حبيب القلب
محمد عبد العزيز رمضان
مراجعة لغوية:دعاء الزغبي
يا حبيب القلب يا غالي
بنده ليك كدا تعالالي
مش عارف إي اللي جرالي
حبك كدا غير حالي
أنا دبت خلاص في هواك
قلت إنك حلمي الغالي
هتحقق كل آمالي
ومليت كدا قلبي الخالي
أيامي بقت تحلالي
وحياتي وأنا وياك
ليه تسبني كدا وحداني
خاين وطلعت أناني
وبنيت أحلام وأماني
طب ليه تبعد تنساني
مش قلت أنا بتمناك
ونسيت قربي في ثواني
والحب وكل حناني
ورمتني في بحر أحزاني
ورتني الويل وهواني
مش هقدر يوم أنساك
والموج خدني ورماني
حطم قلبي ووراني
وبإيده كمان وداني
للمر وظلمه سقاني
وياريتني ما كنت معاك
يا حبيبي أنا كنت حبيبك
ولعمرك كنت نصيبك
مش هقدر على تعذيبك
أو ممكن يوم أنا أسيبك
لو تؤمر هبقى فداك
ولقلبك هبقى طبيبك
ولكل الفرح هجيبك
بعدك دوقني لهيبك
غدرك كدا يوم هيصيبك
مش ممكن تلقى دواك
ياحبيبي كفاية بعادك
وتعبت كتير لسكاتك
إوعاك تبعد وحياتك
وما تحرمنيش أوقاتك
طول عمري أنا بستناك
