شريف بديع يكشف لـ رؤية وطن عن كواليس مسلسل أبو العروسة3
نهي وجدي
يشارك الفنان شريف بديع في مسلسل أبو العروسة الجزء الثالث وكشف لنا الفنان عن كواليس دوره في العمل؛ شريف بديع يكشف لـ رؤية وطن عن كواليس مسلسل أبو العروسة3 .
مَن رشحك للدور ؟
رشحتني شركة اسكوير ميديا بروديشكن استاذ ابراهيم حمودة وهذا ثاني عمل ليا معاهم بعد مسلسل اولاد ناس وطبعا الحمدلله اثبت وجودي في المسلسل والترشيح جاء من خلال استاذ ابراهيم حمودة وطبعًا كاستينج ديركتور العمل الاستاذة ياسمين عادل من شركة ذا لينجيت المخرج القائم المنفذ على كل هذا الاستاذ يوسف كمال رزق.
حدثني عن تفاصيل دور حضرتك ؟
اجسد شخصية تامر من ضمن شباب ابطال الجزء الثالث فاجسد دور شاب صاحب ميدو عادل ومحمد السعدني صديق العائلة من ضمن اصدقاء العائلة .
هل ترى ان هذه التجربة ستضيف اليك ؟
تضيف أو لا بيكون راجع للجمهور اكتر لكن ان اشارك في مسلسل زى “ابو العروسة٣”
ليه صدى كبير جدا في مصر وقريب من البيت المصري وبتشوفي دائما فيه كل بيت مصرى فدا شرف اكيد واضافة ليا، حتى لو مش هقدم اكبر حاجة ده شرف ليا ان انا اكون متواجد فيه فـ طبعا دى اضافة ليا كبيرة .
هل الدور يشبه شريف ام لا ؟
ممكن يكون في تشابه خفيف من ناحية حاجات في الشخصية حاجات زى كدة يعني لكن تفاصيل الحياة جوة المسلسل نفسها لا مش شبه شريف .
ما شعورك عند قراءتك للورق؟
واللهي انا شعورى وانا بقرا اكتر ان انا متحمس اعرف احداث المسلسل والجزء لان ان انا كنت من المعجبين والمتفرجين على المسلسل وشرف ان انا اكون مشارك فيه فدا بيكون موضوع بردو حلو وكويس فشعورى طبعا اكيد كنت حاسس بالفخر والشرف ان انا اكون مشارك الابطال الكبار في المسلسل في جزء من نجاحهم .
هل هناك اعمال رمضانية تحت الانشاء؟
فى اه اعمال رمضانية ان شاء الله بس لسة مش هعلن عنها دلوقتي لما الدينا انًشاء الله تعدى ع خير وربنا يكرم ان شاء الله قريب فى رمضان نبتدى نصرح بيهم ان شاء الله .
ما هى عاداتك في شهر رمضان ؟
واللهي عاداتي في رمضان ملهاش قاعدة عامة بكون مركز ف التمرين دائما
وفي عادة عندى التجمعات العائلية بحبها جدا انا ممكن اكون شخص عائلى بحب العائلة عامة والتمرين طبعا وطبعا دور العبادة جزء لا يتجزا من الحياة وطبعا الفطار والسحور والاكل الحاجات دى كلها .
هل هناك اعمال سينمائية قادمة ؟
ربنا يكرم يعني على خير ان شاء الله .
ما هي امنياتك في ٢٠٢٢؟
امنيتي في ٢٠٢٢ انى اقدر اثبت تواجدى كفنان شاب في وسط اخواتي واصحابي الموجودين ع الساحة وان انا اكون من الفنانين المهمين في مصر وان اقدر امثل مصر ان شاء الله برة ودائما احسن من صورة الفن المصري فىً اي حتة هي طبعا كويسة وكل حاجة لكن الواحد دائمًا بيطمح انه يقدم المزيد ويطور دائمًا من الصورة الفنية المصرية ان شاء الله
مراجعة مادونا عادل عدلي
إقرأ أيضا:
قصص حب لا مثيل لها بين اثنين من أشهر قصص الحب في السينما
