رؤية وابداع

أيوة دا غدر

 الحسيني الطاهر

 

لمَّا بتُهجُر من غير عُذر

وتبقي جروحك ملهاش حصر

ولمَّا تخًلِّص كُل الصَبر

ولما بقَصد بتعنِد تبعِد

يبقى دا غَدْر.. أيوه دا غَدْر

لما تقول لليل يِطَوِّل

لما فلحظة طيش تتحَوِّل

وأصفح وأنتَ تعِيد م الأوِل

وتنام وأسهر حاجة تحيَّر

يبقى دا غدر.. أيوه دا غدر

لما معاني الحب تروح

وتقسى عليا وأنتَ الروح

وكل لُقانا يِعَدِّي جروح

وكل يومين تقسى وتتغير

يبقى دا غدر.. أيوه دا غدر

لما كلامك كله ملام

وأسهر أفكر وأنت تنام

كُتر الظلم كفاية حرام

قلبي أنا ع الحزن صغير

كل دا غدر.. أيوه دا غدر

لما تكون لعيوني الكون

وتزرع قلبي شكوك وظنون

وتملى حياتي دموع وشجون

وتتوه مني وأفضل أدور

يبقي دا غدر..ومليون غدر

إقرأ أيضاً:

عاشقين

حلم متشعبط

فاكرة

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا