احمد صلاح حسني لـ سهرانين.. “شغلي مع حماقي كتير وممتع جدًا”
مادونا عادل عدلي
استضاف النجم والإعلامي امير كرارة كلًا من النجوم أحمد صلاح حسني وهبة مجدى وإيمان الشميطى في الجزء الثانى من برنامج “سهرانين” المذاع على قناة ON
وتحدث النجم أحمد صلاح حسني عن كواليس عمله بالتلحين مع حماقي وعمرو دياب قائلًا: “عملت أغاني كتير مع حماقي وشغلي معاه شيء ممتع لأنه صديقى وصاحبى جدا وشبه بعض في التفكير ومش بنختلف في المزيكا واللى بيعجبنى بيعجبه”.
وتابع أحمد صلاح حسني عملت أغنية مع حماقي من كلمات أمير طعيمة اسمها مش قادر انسى، والأغنية دى لها قصة كنت مشغول جدا في التصوير وحماقي مشغول في تحضير الألبوم ومش عارفين نتقابل خالص.
وتابع…لأننا كنا عاوزين نعمل أغنية ومفيش وقت خالص، ولما اتقابلنا في مرة قالى أنا عامل جملة ومش عارف أعملها دخول وهو جرب كذا شخص ومعجبهوش، فقلتله طيب ولما شغلها حسيت إنها أغنية بتضحك، وروحت قايل دخلة الأغنية، ولما عجبته راح قايل غناها وأمير طعيمة كتب كلمات الأغنية في يومين وعملنا اللحن والأغنية عجبت الناس.
وعن عمله مع الهضبة عمرو دياب قال، كنت لسه في بداية فكرة التلحين ولقيت أمير طعيمة بيكلمني وبيقولى أغنيتك لحنها عاجب الهضبة اللى هي أغنية “أنا معاك برتاح، وراح قالى خد كلم الهضبة وبعد ما كلمنى قالى سمعهانى كدة لأن الأغنية خطيرة في التليفون وتعالى اقعد معانا وانت جاى سمعهالى، وعجبته جدا وعقبال لما روحت لقيتهم بدأوا يوزعوها.
