محمد يونس لـ رؤية وطن..”اعمل في الوسط الفنى بخطوات بطيئة ولكنها مهمة جدًا”
حوار…نهى وجدى
انطلق في سماء الفن بموهبة كبيرة واخلاق عظيمة جدًا يشيد بها كل من يعرفه تفوق على نفسه في العديد من الأدوار مثل الحرير المخملي
واللي ملوش كبير ,الاختيار2 وأخرهم حى السيدة زينب واثبت جدراته فى التمثيل وجميع هذه المسلسلات حققت نجاحا كبيرا .
وكشف لنا الفنان محمد يونس فى حوارنا معه عن الكثير
مَن رشحك للدور في مسلسل “السيدة زينب”؟
رشحنى للدور في حي السيدة زينب هو المؤلف أحمد صبحى والذى أكد على الترشح الأستاذ محمد النقلى والأستاذ ممدوح شاهين.
ما الذي جعلك توافق على العمل؟
المسسلسل الحقيقة مكتوب بشكل كويس جدا الأستاذ أحمد صبحى المؤلف مبدع الحقيقة وكاست طبعا كبير زى مدام سوسن بدر ومحمود عبد المغنى والفنان أحمد وفيق ودينا وفراس سعيد مجموعة كبيرة طبعا من النجوم وكمان أخراج الاستاذ محمد النقلى مكنتش أشتغلت معاه قبل كدة الدور كمان دور مختلف معملتوش قبل كدة الي هو دور “صديق الكفيف”
فالدور مليان تفاصيل كتير قوي ودور صعب جدًا جدًا خصوصا أن هو كان أعمى من وهو عنده 12 سنة مكنش مولود وهو أعمى وتكمن الصعوبة في أنه كان مفتح وشاف الدينا قبل ما يصاب بالعمى .
من وجهة نظرك سينما ولا تليفزيون؟
سينما اكثر.
هل ترى أن مشاركتك في هذا العمل أضافت لك؟
طبعا أضافت لي طبعا كتير كمان فى رصيدى المهنى طبعا دور زى دا مميز ومختلف معملتوش قبل كدة خالص الحقيقة أنا ماشى في الوسط الفنى بخطوات ممكن تكون خطوات بطيئة بس خطوات مُركزة ومهمة جدا وبعيدة عن اى أسفاف وأى ابتزال لتقديم كل ما هو محترم وله رسالة.
ما هي أمانيتك في 2022؟
أن ربنا يديم علينا الصحة والستر أنا وأسرتى “زوجتى وبناتى” وربنا يقدرنى على تقديم كل ما هو محترم وفن جيد للجمهور وربنا يكرم أن شاء الله فى اللي جاي
ما هو مشهد الماستر سين بالنسبة لك في المسلسل؟
هو موت طبعا أبو المكارم أخو “صديق” طبعا كان مشهد صعب جدا لما عرف أنه مات أحاسيس صعبة جدا أحساس صعب جدا لما يموتلك عزيز او غالى ممكن قلبك يموت معاه الموضوع مكنش سهل خالص ودي من أصعب المشاهد موت أبو المكارم وأن لم يكن أصعبها .
ما هى عاداتك التي تقوم بها في شهر رمضان ؟
واللهى ماليش عادات معينة بس طبعا لأزم الفطار يكون عند الوالد أول يوم في رمضان ده أكيد يعنى ربنا يكرمنا طبعا بصلاة التروايح بيكون صعب مشاهدة الأعمال التليفزيونية نظرا لطقوس رمضان الكثيرة من قراءة قرأن وصلاة تروايح وخلافه لكن بحاول على قد ما أقدر أشوف حاجات على قد ما أقدر يعني.
هل كان يوجد في شخصية صديق صفات من محمد يونس أم لا؟
الحقيقة لا معتقدش يعني صديق أصله مثالى قوي ورومانسى الى درجة رهيبة يعني ممكن يكون فى رطوش بسيطة كدة حاجات بسيطة جدا جدا مش شبه بالدرجة الكبيرة يعنى .
هل هناك أعمال رمضانية تحت الأنشاء؟
أن شاء الله بس لسه في التحضير أول ما يتم هبلغك.
مراجعة مادونا عادل عدلي
