أحمد عبادي في حوار خاص لرؤية وطن..”بداية احترافي مع الاستاذ سامح بسيوني”
حوار/ منار عبد الناصر
شاب في بداية مشواره الفني يسعي دائمًا لتحقيق الأفضل، نشأ علي المسرح وكان له تجربة مختلفة ومتميزة في مسرحية حلم جميل مع النجم سامح حسين، وبناءًا عليه فـ كان لنا معه حوار خاص لرؤية وطن
في البداية عرّفنا بنفسك ؟
أنا اسمي أحمد عبادي وبمثل في مسرحية حلم جميل ودي مش أول مرة أمثل مع أستاذ سامح حسين وأستاذ إسلام إمام المخرج، اشتغلت كتير
اشتغلت من وأنا صغير في قصور الثقافة وبعد كده بدأت احتراف مع أستاذ سامح بسيوني وعملت إعلان الحمدلله يعني.
المسرح بالنسبة لك بيمثلك ايه؟
لا هو المسرح بالنسبالي حاجة كبيرة اوي وببقي شايف نفسي علي المسرح طول ما أنا بمثل وبشتغل علي المسرح بحس إن أنا بعمل كذا كراكتر أو بعمل اي شخصية
ببقي موجود فيها لأن في حاجات مبتعديش عليا أنا كـ أحمد، بعمل صعيدي بعمل فلاح، بعمل حد مُتشرد أي شخصية من دول فـ أنا بحس مكانها.
وماذا عن ردود الأفعال ؟
ردود أفعال جميلة وأهل قنا جُمال جدًا + أنا برضو من قنا وعيلتي كلها من هنا بس أنا مواليد شُبرا
هل كان في صعوبات واجهتك في التحضيرات أثناء سفرك لعرض المسرحية في الأقصر وقنا ؟
لا مكنش في أي صعوبة، وزارة الثقافة بصراحة وسيادة الوزيرة قاموا معانا بالواجب غير استقبالكم هنا مكنش في أي صعوبة صراحًة.
هل سبق واشتغلت دراما قبل كده؟
لا مشتغلتش لسة.
هل في أي أعمال قادمة ؟
إن شاء الله قريبًا بس لسة في السكة.
مراجعة.. مادونا عادل عدلي
سميحة أيوب لـ رؤية وطن.. “أجازة مفتوحة خفيف ورسالته تهمني شخصيًا”
