رؤية وابداع
فاكرة
خالد أبو ضيف
لما كان القلب قلبك
والعيون تشتاق إليك
والحياة تحلو لما
كنت أشوف نظرة عنيك
والزمان في إيدينا يهرب
لما أمسك يوم إيديك
حتى صوتي كان بيحلى
يوم ما كنت أنده عليك
حتى قلبي كتير بيفرح
لما نبضه يدق بيك
اوعي تنسي
يوم ما كان طيفك يهل ويلتقيني
كنت حاطك
جوة قلبي
جوة عيني
والربيع يخضر وسمه
والشجر يحلو رسمه
والطبايع تبقى حلوة والله بيك
كنت عندي كل حاجة م الحاجات
كنت بأنسى روحي دايماً واللي فات
وفساعتها كنت بانسى
اللي راحت واللي جات
يوم ما ألمح رمش طيفك
بالثواني والدقايق والساعات
وتسيبيني
وأشوف دموعي بتناجيني
والمشاعر جوة مني بتناديني
وتقول ياعيني
هو ممكن اللي باعني
ييجي يوم ويشتريني
وعجبي
إقرأ أيضاً:
لا يخدعنك
هي والماضي
حلم متشعبط
إتبعنا
