شدو البلابل

عادل زوين

الشعر شدو الروح

وساعات علينا يضن

يبخل ساعات بالبوح

لكن احنا له بنحن

ولكل شدو طبول

اصبر أكيد هتنول

شدو البلابل غول

يا خلق هوه بيجن

بيصحِّي شوق وحنين

و تحن للغاليين

مسكين يا واد مسكين

من شدوهم بتإن

ومنين نجيب الناس

لأجل الكلام يتلوه

ما تهونوش إحساس

وما مرة جربتوه

الشدو آه بيزِن

ألف ارتباط شَرطي

ما بين حاجات وحاجات

دخاني وسيجارتي

ما سدوا كل حاجات

وأنا اللي خاوي الجن

صوتك يا بلبل شقى

بينادي امتى اللقا

وأنا حبيس شرنقة

وأنت القريب بتفِن

بتنوع النغمات

و تشعب السِكَّات

محكوم عليك بسُكات

مهما النغم بيرن

شدو البلابل كون

يجعل رزين مجنون

خلي الجنون ده فنون

يبقي القريض بيضن؟!

إقرأ أيضاً:

ولو بعد حين

ملاك في زمن الحب

سجين