سلام نفسي

بيشوي مجدي

محستهوش

وحشني إنى أعيش معناه

عشان الوقت خلاني

أعيش معاناة

ومتأثر بالفراق علشان

حبيت والحب كان إدمان

غرقت ونفسي إني أجف

يقولوا الجرح طبيعى يخف

ويتلم إذا اتدارى

فا ليه الجرح جوايا

بيتدارى فا يتعبني

بقيت مبقتش عايز حد

عشان الناس بترعبني

وأنا من غلبي بتعلق

بدون ضمانات

سابونى وتهت

سابونى فـ بهت

سابوني غرقت جوايا

بكلم شخص عاجز جدا

وبتفاجئ إني ف مرايا

غياب الناس بيوجعني

تعافر روحي تتأقلم

تقوم الوحدة تمنعني

مفيش غيرى بيخدعني

مفيش غيري مآمن ناس

بنام بالليل لكن صاحي

وصاحي كأنى فارقت النوم

بعيش العمر و الرحلة

بعيش الفرقة و السحلة

ما بين صعبة و بين سهلة

وبين هتعدي يا خسارة

مفيش ولا حاجة بتعدي

مفيش حاجة مبتعديش

بيوحشني اللى باعنى وراح

ونفسي انه ميوحشنيش

سلام نفسي مبيعشليش

عشان ياما شبعت كلام

وعشان مليش سلام نفسي

يا نفسي سلام

إقرأ أيضاً:

صنيعة القدر

حلم متشعبط

سجين