رؤية وابداع
#مهمش_فى_إنتظار_ثوره
هاني آدم
أنا اللى كفلت أكل وشرب بالنيه
لا كان لوجودى فعل السحر
و لا كان إسمى ذكريا
لا صليت يوم فى محرابك
و لا لقيت خير على عتابك
مهمش فى إنتظار ثوره
تجيبلى حقوقى ع الجاهز
لا أنا المكسور و لا العاجز
لكن قلبى اللى حبك مل إحساسه
كره تفاصيله و مراسه
و لحنه كفر فى أغنيه
لا ذنبك كتر أخطائك
و لا المكبوت فى أحشائك
و لا اللى عملتيه علشانى
ما كانش كفايه
و لا كان ذنبى فى هوايا
أكونلك ضل عاشق مات
فى كل صلاه من الصلاوات
أنا دعيتلك
و غنيتلك
و جبت فى دعوتى سيرتك
و مين يقبل دعا الأموات
إقرأ أيضاً:
لم الدفاتر
نسيت قلبي
سجين
إتبعنا