رؤية وابداع
نسيت قلبي معاك
بقلم :سلوي صبح
نسيت قلبي معاك
خد بالك مِنُّه..
واوعى في يوم من الأيام
تستغنى يا حبيبي عَنُّه..
اشرب من نهر حبُّه..
وارمي همومك فيه
وامشي دايماً في ضلُّه..
وإن غاب عليك لحظة
لابد تسأل عنُّه..
دي وحشة الشوق بتوجع
اللي سقاك حُبُّه..
وروى شوقك بشوقه
لما كنت قريب مِنُّه..
لغة العيون بتحكي
اللي البعاد هدُّه..
وبنى حيطان الفراق
والشوق مفيش قدُّه..
ولا طايل حلاوة لُقاك
ولا الهجر كان بيدُّه..
يا شوق القلب بلغ الغالي
إني هوايا مفيش مِنُّه
ليلي نهاري بشوفه بروحي
وطالب أنا ودُّه..
ولو ناداني يلاقيني
في ثانية أكون عندُه..
وأملِّي عيني بملامحه
ده حبيبي مفيش زيُه..
بالعامية بقول.
إتبعنا