رؤية وابداع

“صورة فوتوجرافية”

قلم/بيشوى مجدى

صورة فوتوجرافية 

مبهرة من برة لكن 

من جوة جايز فيه كسور 

تشوف الناس تضحك لهم 

ولا تعرف للتكشير طريق 

مطفية بس اللى واضح 

عبارة عن مصدر بريق 

بترفع قلبها قبل إيدها للسما 

ينزل هدوءه و حكمته 

يجبر الخاطر زى جبر متهم 

عرف إنه خلاص برئ

قلبها جميل وبسيط أوي 

 وعشان جميل و بسيط “قوي”

تقابل الوش اللي باش 

فجأه يتحول بَشوش 

و تلمس الخد اللى بار 

و تصلح أثر الخدوش 

تخيّط طريق اللى تاه 

و تبقى للآخر معاه 

بالرغم من كل اللى فيها 

لسه برضو الخوف ماليها 

لسه مليانة بضيقات

و لسه بتصدر براح 

عايشة بتضمد أنين

بايشة بتجمع جراح

منها عايشين وسطنا

تقطم الدنيا وسطنا 

ويفضلوا عكاز أمين 

يتكسروا لكن ميقولوش 

هو احنا عكازنا مين ؟ 

كل الشكر لكل واحد 

كان معين رغم اللى فيه 

وكان بيحب بكل نية ..

يقدم خير و بيتأذى 

و ميتسببش في أذية 

بيسامح في الخفا قبل العلن 

ويقدم سماحُه هدية 

مبهر في لونه و مضمونه 

لأن صورة فوتوجرافية.

 

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا