لا تعرف المستحيل تحلم أن تكون أشهر مديرة تصوير في العالم

مارينا بدر في حوار خاص رؤية وطن

إسراء أبوستيت

 

عرفينا بنفسك

 

أنا إسمي مارينا بدر فانوس والشهرة توتا بدر عندي 25 سنه .
من محافظة القليوبية مساكن ابو زعبل .
تخرجت من تجارة انجلش جامعة عين شمس،ودرست في المدرسة العربية للسينما والتلفزيون.

 

من أين بدات مسيرتك في التصوير و كم كان عمر في ذلك الوقت؟

 

بدأت مسيرتي مع أول فريق سينمائي في العالم لوك سينما تيم كان عمري 22 سنه عملت اول فيلم ليا اسمه البذرة.

 

هل شاركتي في ورش تصوير وكورسات من قبل ؟

 

شاركت في ورش سينمائية مع المخرج خالد محجوب ، واخدت كورسات ف جامعة بنها غير دراستي اون لاين غير الكتب طبعا الي بقرأها دايماً.

 

لماذا كان اختيارك على هذا المجال بالتحديد؟

 

بعد وفاه امي كان عمري 14سنه فضلت أدور ع صور كتير للاسف ملقتش ولا صورة حزنت جداً واخدت قرار أن لازم اوثق لحظة زي دي لكل الناس وخصوصاً ليوم زفافهم .
لأن الصورة هي حياة بنعيشها مع مرور الزمن هي اللي بتفضل مهما كان البعد.

 

هل اضافت كليتك تجاره انجلش شيء في مجال التصوير؟

اكيد أضافت ليا من خلال التسويق والتعامل والعلاقات وإدارة مشروعي.

 

هل تعتقدين أن التصوير لغة عالمية يفهمها الجميع؟

 

أكيد جداً التصوير بيوصل معاني كتير جداً مشاعر الحب والحزن الوجع الفرح الحنان الأمان القوه كل حاجه الصوره تقدر توصلها وبسهوله .
التصوير راحه وتغذيه بصريه للجمال اللي ف الكون كله.

 

هل تعتقدين أن الإمكانيات المادية لها دور كبير في صناعة مصور محترف؟

 

الإمكانيات ليها دور أكيد بس مش قوي الدليل الافلام القديمة احنا لحد النهاردة فاكرينها وبتفرج عليها العامل الأكبر على المصور والأكثر قدرته على إدارة التصوير لأنه هو مسئول عن توزيع اضاءة وكمان اتخاذ الزاوية المناسبة واللحظة لاتخاذ الصورة.

لو قلنا أن المعدات تاخد 40 ٪ المصور ياخد 60%،و40 دول يشملوا المكان اللي بيتاخد فيه الصورة، وبكدة يكون العامل الأقوى يعود ع المصور وخبراته.

 

من كان يدعمك في العمل في هذا المجال، وما هي المعوقات التي واجهتك أثناء عملك في مجال التصوير؟

 

الدعم لقيته من صحابي وابن عمتي الممثل هاني مايكل غير نظرة المخرج المبدع خالد محجوب .
كان في طبعاً معوقات كتير منها محل سكني في مساكن ابوزعبل وكنت طبعاً بتعذب أن لو في شغل الصبح بدرى مش بلاقي عربيات أو اني ارجع بليل بالمعدات بتاعتي.
المعدات بردو تكلفتها كانت بتبقي عاليه كنت بحوش ورغم كدا كنت بأجر كاميرا عالية للتصوير وقبل ما أجر كنت لازم اعمل بحث كامل واتعلم اكتر .
غير وفاه والدي والدتي كانت نظرة الناس ليا بالشقفة كانت بتقويني مش تضعفني كنت بتحدي كل حاجه والحمدلله ربنا كرمني ولسه هيكرمنى لاني واثقه انه ما بيخذلني و كلمة انتي بميه راجل اللي بتتقال ليا وانا ماشيه ف الشارع.

 

من مثلك الأعلى؟

مثلي الأعلي في التصوير Roger Deakins
أشهر مدير تصوير في العالم وصاحب الفيلم العبقري 1917.

 

وما هي الخطط المستقبلية وهل من الممكن ان نراكي في التمثيل على شاشات السينما والتليفزيون أم تكتفي بالتصوير فقط؟

 

مهما كان كل ده لسه البداية بداية أن المرأة المصرية قوية جداً والخطة إني أوصل للأوسكار واخد جائزة كمان ومش هكتفي بجائزة واحدة الصراحة لان لسه في تقدم وعلم في مجالي كتير وأنا معاه ومش هسيبه لاني انا في اول فريق سينما في العالم لوك سينما تيم ولسه المشوار قوي بس جميل وممتع .
انا مثلت في فيلم بيتعرض ع السوشيال ميديا ف العيد الفطر المبارك القادم باذن الله.
لكن هكتفي بيه ويمكن هصور مرة أخيرة لما أعمل فيلم عن قصتي عشان كل بنت وسيدة وامرأة في العالم أن المرأة المصرية تواكب تطورات العصر والقوة،عايزة افلام ليا يتم عرضها في دار الأوبرا المصرية في 2021.

 

ممكن تعرفينا أكثر عن آخر أفلامك؟

 

بالأمس كان في فيلم روائي قصير تم عرضه في مهرجان القومي للسينما المصرية
وفي فيلم طويل داخل هذا المهرجان أيضًا.
وحصل فيلم الهبة لقب أحسن فيلم روائي قصير في افريقيا مهرجان كونتيننتال في الهند لعام 2021.

لا تعرف المستحيل تحلم أن تكون أشهر مديرة تصوير في العالم .. مارينا بدر في حوار خاص رؤية وطن
لا تعرف المستحيل تحلم أن تكون أشهر مديرة تصوير في العالم .. مارينا بدر في حوار خاص رؤية وطن

ما هي هوايتك المفضلة بعيداً عن التصوير؟

انا بحب الكوره جدا الموسيقي والتعلم الذاتي المعرفة أي حاجة جديدة بحب يبقى عندي معلومة جديدة عنها، لازم قبل ما انام كل يوم اشوف كسبت معلومة إيه جديدة
بحب أعلم الناس مجالي جداً ويمكن مجال واسع جداً مش بس تصوير ف تعليمه مفضل جداً عندي.

 

ما هي نصيحتك للشباب اللي بتحب تتعمق في مجال التصوير؟

نصيحتي أن محدش بيأس ويستسلم ربنا عنده الخير كتير جداً ومش بيخذل حد ابدا.
اتعلم اعرف ومش عيب تتعلم وتكتسب خبره اهتم بالحاجة واديها وقتها ولازم الكل يعرف أن الوقت المناسب بيجي في وقت حدوثه ومفيش حاجة اسمها فات الأوان لأن كل يوم جديد هي بداية جديدة.

مارينا لا تعرف ضياع الفرص وتؤمن دائماً أن من جد وجد وأن الله لا يخذل شخص لجأ إليه.

إقرأ أيضا :

تعلمت من محمود ياسين “أن الأسف قوة واعتزاز وكنت أقول له بابي حودا.. منة تيسير في حوار لـ رؤية وطن”

اترك رد

لن يتم نشر عنوان بريدك الإلكتروني.

Grandbetting - Bahis siteleri -

Meritroyalbet giriş