تحويل مسار

4

بقلم: سلوى صبح

محتاجين حبة تفاؤل
يعدِل مزاجك ومزاجي
لحظة أمل نعيش عليها
نبتديها..
قول لنفسك وهقولها
إحنا خدنا الأربعة وعشرين قيراط
رزقنا كان حبنا..
ناس كتير حرمانها منه
كان السبب في حزنها
عاشت وماتت روتين مُمِل
وعمر ضل ..
وسنين انتظار..
طب دي حياة
ولا مرار..
إحنا اللي قالو علينا
طلعنا القمر..
مع إنهم مبيفهموش..
إحنا القمر نزل لنا..
نور حياتنا وعمرنا..
والشمس غارت لما شافت
نوره غير المسار..
ضوء النهار بالنسبة لينا
كان انتصار لحبنا
شال الغبار ووهب لنا
حالة نقاء..
يوم ما التقينا صدفة بحتة
كان السلام والنظرة
تحويل للمسار..
وكان التحدي كبير
وإزاي هتدور في المدار
وإنت ما تملكش الإرادة
وحط في الإعتبار
إنك غريب في عزوتي
وإنت الحبيب في دنيتي
وإني ما أملكش القرار
حبيتك وحبتني..
وهامت الروح في المدار.

 

Grandbetting - Bahis siteleri -

Meritroyalbet giriş