رؤية وابداع
و إزاي يتوب ؟
بقلم :سلوى صبح
قلبي مالياه الندوب
مُهترئ كله عيوب
مرة حب وداب دوب
صابه سهم أرهقه
نزفُه كان عليه مكتوب
انهزم وانخدع وفكر
إنه يقدر يتوب!
وإزاي ياربي عن حبه
يتوب؟
ده كل ندبه فيه بتشهد
بالخطوب..
والوجع اترسم على وشه
مجري من الذنوب..
ذنب حُب ما وفَّا ليه
وذنب غدر ما قدر عليه
وذنب جرح اتحفر جواه
يدوب يقدر يسِّدُه بأي
توب..
توبه مليان بالثقوب
رقعُه بأوراق كتيرة
بالية وحِبرها مسكوب
محفور بسطورها الكلام
اللي سكناه الحروب
حرب نفس تلومه ليه؟
تتوجع ؟اهرب وتوب..
مجبور يعيش
مخلوق حزين
مليان ظنون
مليان وجع
وسط القلوب
وَيَا دوب يا دوب
يقدر يتوب عن الذنوب
إلا حُبهً عنه ما يقدر
يتوب..
إتبعنا
