رؤية وابداع
وحشتيني
بقلم: حسام خالد
وحشتيني بجد جداً
ونفسي من تاني نرجع
الحياه ف قربك جميله
وف بُعدك شيء بيوجع
لو بُعدك كان بكيفك
والله ما كُنت هزعل
بس أنتي مشيتي فجأه
والموت لازم هيحصل
طب كُنتي قوليلي حتى
ده أنا إبنك مش حبيبك
ومتعود أكون قريب
بردانه عشان أيديكي
سابت آيدي اللي ملكك
محتاج أنده عليكي
محتاج أقول بحبك
محتاجك تسمعيني
أنا نفسي بجد أبكي
أنا عارفك بتشوفيني
أنا أسف إني بشكي
وياريت تكوني عايشه
ف مكان لايق بقلبك
ف الجنه ناس كتير
يا حبيبتي بجد شبهك
و ولادنا هشام وادم
ف عينيا متخافيش
أنا نفسي أموت بجد
أنا نفسي معاكي أعيش !
إتبعنا
