رؤية وابداع
أقول أكتر
بقلم سلوى صبح
ياناس بحبه
والله.. بحبه يا ناس
وحبه جوه قلبي كتاب
حروفه تتسطر
بكل عذاب..
ولو إنه متقدر
وعمر فراقه مابيخطر
على بالي..
وشوقي ليه بيكسر
ضلوعي..
مع إن أنا بصبر..
على بعده وبتصبر
وهو مستكتر..
يشارك قلبي ويعبر
بكلامه عن شوقه ..
أقول أكتر ..
بحبه يا ناس
شربت كتير..
في حبه الكاس
كاس المر متقطر..
ومع ذلك بحبه أكتر
نسيت نفسي
لاقيت نفسي
تدوب كل أما
أشوفه أكتر ..
جميل وأسمر
لكنه في الرجوله
ما يتقدر..
وأقول أكتر..
صدفة جمعت روحنا
في كوباية
وحلاها العسل
مش السكر..
بحبه كل مادى أكتر
لأن القلب في وصاله
بيتهنى ..ويتمنى يدوم أكتر..
وفِي بعده بيتعكر
وأقول أكتر..
عمر حبي ليه ما يتغير
ولا هقصر..
ولكني ..عشقت القرب مِنُه
أكتر ..وأكتر.
#بالعامية بقول.
إتبعنا
