هنتعلم

13

بقلم سلوى صبح 

ومن ملامحي تقدر تقرا
اللي جوايا
كتاب مفتوح حروفه
فرحي وأسايا
بنظرة عين تشوف وشين
وش انكتب له يعيش
ووش انكتب له يموت
ومن غير صوت
سكوت في سكوت
يدَخل روحه جوه تابوت
روح فرحانه وبترقص
وروح غاوية فرحها
يموت ..
روح طايرة..
وأخرى هبوط..
بكل الضعف..
يعني مفيش جبروت
غير للموت..
على أرواحنا لابد يفوت
هنتعلم نداري الوش
ونسلم على اللي
وشه عمره ما أتكلم
هنتعلم ..
ونتجاوز ..
وهنحاول ..
تكون ملامحنا مخفِيّة
بدون حروف مدارية
كل شعور بيسكن
جوة في قلوبنا
هنتعلم ..
نكون أشخاص
بدون إحساس
بكل برود ..
نعيش كجماد
هنتعلم..
نداري الضحكة والفرحة
ونقبل كل كلمة جارحة
هنتعلم نكون أصنام
أصلها حجارة
بدون ما نحِس اللي
ينخُر جوة في قلوبنا
هنتعلم ..
نكون ألغاز..
محدش يقرا ولايفهم
هنتعلم.

#بالعامية بقول.هنتعلم.

Grandbetting - Bahis siteleri -

Meritroyalbet giriş