أخبار مصرحوارات

ياسمين سعدة 8 أخطاء أثرية في مسلسل ماوراء الطبيعة

كتب – أمير أبورفاعي

أكدت الباحثة الأثرية ياسمين سعدة ، في تصريح خاص لموقع رؤية وطن ، أن الحلقة الثانية بمسلسل ما وراء الطبيعة ( لعنة الفرعون الاسود ) جاءت بها كميه أخطاء اثارية و تاريخية كبيرة ( تودى فى داهية ) على حد تعبيرها حيث.

1- مكنش فى ملك أو ملكة بيدفن جوه معبد ولا حتى الكهنة. 

2- لما اخدو الفرعون عشان يدفنوه و يجمعوه بحبيته اللى هى مدفونة جوة المعبد اللى هو معرفش ازاى مدفونة فى معبد راحوا سقارة عند هرم الملك زوسر مؤسس الدولة القديمة نعم!. 

3- دخلو بقى من الكوريدور اللى فيه العمدان اللى بيطلع على open court بتاعت المجموعه الهرمية بتاعت الملك زوسر دا على أساس أنهم رايحين المعبد ماشى. 

4 – بيقولوا أن الملكة مدفونة فى قاعة الدفن فى المعبد طيب هو فى كدة بجد هو فى حاجة اسمها ( قاعة الدفن فى معبد جنائزى ) و الله ما سمعتها قبل كدة طول عمرى بدرس أن المعبد للطقوس الجنائزية أو الاحتفالات الدينية او اى حاجة تخص الآلهة والعبادة لكن محدش أدفن فيه. 

5-و بعدين لما وصلنا لقاعة الدفن اللى بيقولوا عليها دى بقى اللى كان نفسى اشوفها ، اكتشفت انها المقبرة الجنوبية للملك زوسر اللى اساسا محدش أدفن فيها ولا حتى الملك صاحب المجموعه نفسه اساسا. 

6- لما نزلوا تحت في المقبرة لقيت بقى تصوير المشاهد بقى فى مقابر Nobles زى مقبرة كاجمنى مثلا و فجأءة و بقدرة قادر لقينا نفسنا فى هرم الملك ( أوناس ) طيب ازاى. 

7- لقينا حبيبة الفرعون فين فى تابوت الملك أوناس اللى هو تابوت الملك اللى هو محدش بيدفن فيه غير الملك اللى هو اصلا فاضى فى وقتنا الحالى و مومياؤه مش موجوده فيه اساسا يبقى ازاى ملكة مدفونة فيه. 

8- غير كمان أن الملوك اللى بيتكلموا عنهم دول فى فترة عصر الانتقال الاول بعد سقوط الدولة القديمة .

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا