مقالات
ديون الحب
ديون الحب
أحمد عطوة
الدين في الحب ميتسدش
مين قالك تصرف وتبقشش
وتبعزق في الكلمة الحلوة
دي رصاصة بتخرج متردش
إن كنت هتنوي و تتقرب
و شوية هتبعد وتجرب
وهتفضل محتار بين شوقك
بين صبرك بين حاجه تسوقك
و تعكر صوفك ومزاجك
وتلف في عجلة افكارك
إن كانت عايشه في غيابك
أو لسه بتندم على بعدك ..
و تراجع آخر أسبابك
فياريت في الحب متوعدش
وتقولي حلفاني مينزلش
الدين في الحب مينفعش
و كلام الأعذار مش يشفع
أو ينفع كلمة معلشِ
#عطوه
إتبعنا
