في وجودك

بقلمي:سلوى صبح

ناقِصني في بُعدَك
كل شيء
وأغلى شيء
وجودَك إنتَ
وجودك شيء بيحرسني
بيلمِس قلبي يلمسني
وجود الدُنيا بوجودك
ما تستهونش بوجودك
وكلمِة حُب في وجودك
بتملا قلبي تِنعِشني
تصدَّق بإيه إن روحي
رابطة وجودها بوجودك
يا عّم إفهم
بينبض قلبي بوجودك
وتسعد روحي بوجودك
هتتقل طب هتتقل ليه؟
ده عُمري بدأته في وجودك
شهدت بإنه مَولودَك
وشَّهِدتُه على حُبي
وعلى عِشقي اللي مَكتُوبك
وفِي وجودك
هتغزل لي توب وردي
وعُمر سعيد هيتعطَّر
بريحة المِسْك والعنبر
ينور عمري في ضِلُه
يا قلبي
وإنتَ عارف يا حبيب قلبي
إنه شايلك الغرام كلّه
ويتمنَّى يدوم حُبك
وأسعد بالنعيم جنبك
ده زهر القلب بُستانُه وجودك
وفجر الكون بيتنفس
في وجودك
وليل الضلمة يستحي
يطوِّل في وجودك
تصدَّق
الكون بأسره ماله قيمه
إلا في وجودك.
#بالعامية بقول
بقلمي:سلوى صبح.