حبت
بقلم منار عبدالهادي
هي حبت
هو ساب
هي صبرت
هو زود في الغياب
هي داقت بعده
كل أنواع العذاب
هو راجع
بعد إيه؟
دمعة ساكنة بين جفونها
١٠٠ سؤال
سألينه ليه
هو نادم
هي ماسكة فإيدة لكن
ألف سكينة ف فؤادها
كام عزول
دقوا ببابها لاجل بس ما يشمتوا
تعمل ايه ؟
في حاجات كده في المشاعر
لما تتغير بتجرح
واما تغدر بيها تجرح
زي بالظبط الإزاز
كان مرايتك
كل يوم يبص ليك
ف يبتسم
بس لو كسرته بايدك
يبقي سكينه ف وريدك
والنهاية بتتحكم
وبعد كام ليلة فراق
هي قسيت
هو حن
هي بعدت
هو جن
هي قفلت قلبها ب مية الف باب
هو دايب بعد منها
قلب تاه من غير سكن
جي ندمان عاللي كان ؟
هو الغدر ملوش تمن ؟
سدد يا عمري من عينيك
تمن الكفن
سجل يا سيد في سجلات القدر
أصل اللي سبته
واللي ما احترمت غيبته
إنتحر
ألف رحمة ونور عليه
ف بعد ما ترفع إيديك وتقول آمين
وتمسح عالخدود
دمعة سالت مالعنين
إدعي لكل العالمين
يكفيكوا شر الحاسدين
يوم اللقا
يكفيكوا وجع المدبوحين
يوم النحر
