جمال القدر

بقلم أم هاشم العيسوي

محمد..
رايدك يا بنت القلب
ورايد البيت من بابه
القلب دق بهواكِ وبنفسه لقى طريق أحبابه
قلبتي يا بنت الإيه دنيتي وكياني

ميرفت..
وأنا قلبي أول ما شافك سلم
والحب بكل أحاسيسه خلى المشاعر تعبر وتتكلم
خلينا نعرف الدنيا قيمة الحب خلي الكل يتعلم
وإنك بقيت ومن النهارده سندي وأماني

محمد..
قلبي بالصدفة الجميلة اختارك
وبنفسه وصلني لباب دارك
ولقيتني جايلك جري وبفارع الصبر كنت مستني قرارك
ما من يوم ما قابلتك وأنا اتأكدت أن قلبك مكاني

ميرفت..
وأنا بوعدك أفرشلك الأرض سعادة
وإن قلبي ملكك ما حبك علمني معنى الحياة وزيادة
واسمك رسمته على قلبي وكانت ماس القلادة
مش كتير عليك أعيش بس ليك
مش كتير عليك عشقي وحناني

محمد..
وأنا نفسي أقولها بأعلى صوت
وكل العالم يعرف إني بهواكِ ما دي مفيهاش سكوت
يا نعمة ربنا ليا واديني بعد كل يوم يفوت
لجل ما تنوري بيتي والعذوبية تنساني
ميرفت..
وأنا بحلم أكون معاك تملي
ازاي أخلي الأيام تمر يالا قولي
دا قلبي وخيالي بيك على طول في تجلي
وبعترف أنا كمان وكل الدنيا سمعاني

محمد..
أوام يجي اليوم واكتب عليكي الكتاب
ونعزم كل القرايب وكل الأحباب
ونفرح ويارب نعلي بحبنا الجواب
وهحتاج ايه غيرك يا عمري تاني

ميرفت..
وأنا ازاي اعترفلك إنك جمال القدر
وإنك في عيوني سيد البشر
وإن قلبي ولا يوم على زعلك قدر
وفي عيوني أنت ملكي وسلطاني

عن جمال القدر

محمد..
وجودك معايا فرحي وجنتي
وبيكِ تحلي أيامي وتحلي دنيتي
وبشكر ربنا من قلبي
والفرحة مش سيعاني