إزيك
بقلم منار عبدالهادي
إزيك
يا رب تكوني نسياني
تمام كيف منا فاكرك
يا رب تكوني نكراني
تمام كيف منا حاسك
يا رب تكوني زي زمان
تحني كتير ومبتقسيش
يا رب تضلي وحشاني
وموحشكيش
أنا ؟ زيك تمام…عايش
يقولو الدنيا دي بتمشي
فبعاد الناس
يا ريت تمشي
لحد اليوم ..
.عنيكي لوم
مفارقنيش
يا بت الدنيا
وقفتلك
و مبتمشيش
هقولك ايه
صحيح …عني
أنا أتجوزت
وكت ليلة
وخلق كتير يهنوني
وشدوا كتير على يدي
وقالو عيش
ميعرفوكيش
وفيكِ السر؟
مجوزت فيوم غير ليكِ
غزيت فيكِ.
فتحت كنوز أراضيكِ
وبعتك وإشتريت فيكِ
ومخلتنيش
ميعرفوكيش
وقالوا إن المدام حامل
وبيقولوا إن اللي جي عمّار
يا بت النور يا قلب خضار
مكانلي عمَار غير فيكِ
حلمت أروي صحاريكِ
رويتك دم
منيش عارف
هتحمل مني إيه غير هم
ده انا فالاصل …لحم…وغم
وفيكي السر؟؟؟
انا خايف
منيش عارف
هيورث مني ايه فيا مهوش منك
مهوش ليكي
ليورث حبي للحزن اللي فعنيكي؟؟
ويورثني فغناويكي
ويورث موتي بحسرتي بيكي
انا خايف…
واقولك ايه؟
يا رب تكوني نسياني
تمام كيف منا فاكرك
يا رب تضلي
وحشاني وموحشكيش
