سلمت الراية
بقلم/أم هاشم العيسوي
صفحات الفرح تتعد ع الصوابع في دفتري
والهم كاتب عليا الكتاب
والحزن باين في ملامحي
وصريحه في مشاعري
والمر مقدرش اقول عليه سكري
وقلبي فيه صراع وكوم عذاب
وفي كتير مواقف ينصحوني بعدي وسامحي
كبرت من المسؤوليه قبل الاوان
وبياض الشباب قلب قمحي
والقريبين مع العشره بقو اغراب
وبقيت بعد كل ازمة اعد فيهم وكان مجموعهم اقل من العشرة
دا انا ياما وقفت جنبهم
وهما دلوقتي قفلو في وشي الباب
واللي كنت فاكرهم ع مشاعري هيخافو
طلعو في بالي مجرد خيال مجرد سراب
معتش الكلام يجي منه
الاهتمام والتقدير مبتطلبوش
الكبير بقلبه كبير مهما صغر سنه
والمحبه كنز بملايين والجفا ما يساويش قروش
وبعد ما نفارقكم متقلوش ياريت
رحلنا واقسمنا انه مفيش رجوع
خانه حناني ليكم عملتلها دليت
اصله صعب يتداوي القلب الموجوع
اتقرصت كتير من عمايلكم
واديني سلمت الراية
ومتأكد بعدي هينقصكم حاجه
وبالهمه يالا شيدوا حيلكم
وكفايه عليا ان ربنا معايا
