رؤية وابداع
عيدنا في البيت
بقلم ياسمين حافظ
هنعيد في البيت
ونحاول نتأقلم
وهنأكل الكحك والبسكويت
وع حبايبنا و عيلتنا هنعيد ونسلم
ونعاملهم من بعيد لبعيد
لكن في قلوبنا قريبين
هنفرح و نعيش بكل حرية
وهننسى أي أزمات
و نعيد ع ولادنا ونديهم العيدية
و هنعلي صوت الضحكات
وهنقول كلنا يارب
ونرفع صوت الدعوات
وبكل مودة ورحمة وحب
هنعوض كل إللي فات
وهنتعلم من كل الأزمات
هنعيد و جوانا يقين
إن الأجمل لسه مجاش
منتظرينه في الجايات
وهيفرجها رب العالمين
وهيعوضنا عن كل وجع وآهات
و هنعيش أيامنا كلها أعياد
وربنا يجعلنا من الصابرين
إتبعنا
