قلبي الغلط

64

بقلم سلوى صبح

أعترف إن طِيبة قلبي غلط في غلط
ياما بسببها وبلعت الزلط
أد إيه طيب يا قلبي ولحد العبط
هو يعني مفيش عندك وسط
ليه تخلي الشر بخيبتك ينبسط؟
وليه بتسمح إن جرحك ينخرط؟
وإن عُمرك على الأرض ينفرط
كل ده وساكِن جواك السخط
ليه قلوب الخلق جواها اللغط؟
لازم تحط فوق الحروف النقط
ولكل بني آدم حدوده وياك اشترط
وأوعى يتعداها معاك أو يختلط
مابين النيل والمالح برزخ مايختلط
خليك حويط والمكر مش عيب
ولكن إوعى تلعب دور العبيط
واتظبط أيوة بقولك اتظبط
ومِد إيدك بالسلام وخيط الود
للي معاك من نفس النمط
وخلي عندك سبع أرواح
واتنطط زي القطط
وإن وقعت على البلاط
إحذر إنك تتجلط
وإوعى تسقط قدام عينيهم
إجدعن وأقف أصبر شوية
حافظ على كيانك وانضغط
وابلع وجعك جواك وإياك تنفرط.

 

قد يعجبك ايضآ