زهقتي اني ما حبتكيش؟

71

بقلم: د. باسم موسى

زهقتي اني محبتكيش؟
مأنا عارف ..
حاولتي كتير ..
ولكنك ما بينتيش.
محاولاتك كانت غلطانة .. ما ادتنيش.
ولا علامة تقولي استنى ما تمشيش.
لأنَك ليا مش عادي، .. فما تسيبنيش.
وأنا رافض أعيش أوهام ..
و أبني قصوري فوق الهيش.
سألتك ياما وافتكري..
وكل مرة ما ترديش.
وايه ذنبي وأنا الواضح..
وعملة (احتمال، يمكن), .. في سوق الحب ما بتمشيش.
بنيتي بين قلوبنا سور ..
ومنه الحب ما يعديش.
وجيتي تحفزي غيرتي.. فما قدرتيش..
وأعبر ليه عن الغيرة.
وأنا ما أعرفش ليا مكان في قلبك ولا ليا ما فيش؟.
وروحتي تشككي فيا..
وهاجمتيني وجرحتي؟
مليتي روحي بالخرابيش؟
ويا ريتك كده ارتاحتي.
ما ارتاحتيش.
أنا عارف كده كويس ..
فما تكابريش.
عقابك ليا كان إنك تسيبيني.
وعاملة انك نسيتيني..
وأخباري متابعاها .. ويوم واحد ما بتعديش.
أنا مادد دراعاتي.. فليه ما تجيش؟
ما قلبك نفسه يرجعلي .. فمتخبيش
أنا عمري ما أقولهالك..
لأ .. متجيش
تعالي وحاولي مع قلبي..
يمكن تكسبي حبي..
في فرحة نعيش.

قد يعجبك ايضآ