تفاصيل رسالة “عمرو وهبة ” لفريق عمل رجالة البيت

58

 

فاطمة حنفي

نشر الفنان عمرو وهبة عبر حسابه الشخصى على موقع تبادل الصور والفيديوهات صوره لمجموعة من الفنانين يرد بيها على انتقاد الجمهور لمسلسلات رمضان 2020 و علق عليها قائلاً :”من حق الناس تعترض وتتريق وتسف وانا بدأت اصلاً بفيديوهات تريقه على أعمال وممثلين ووالله مش ببرر لحد والحمدلله مش محتاج من حد فيهم حاجة ومحدش طلب منى ادافع وظروف التصوير وضيق الوقت وكورونا مش مبرر كافي أن عمل يطلع وحش بدليل أن في أعمال تانية طلعت كويسه ، بس الأكيد أن مافيش حد بيبقى عايز يفشل ومافيش حد مش بيتعب .

و تابع قائلاً ‘أحمد فهمي عنده أعمال كتير ناجحه ، أكرم حسني عنده أعمال كتير ناجحه ، وأيمن وتار عنده أعمال كتير ناجحه ، وأستاذ أحمد الجندي أهم مخرج كوميدي في مصر في اخر كام سنة
فلو عمل متوفقش ده لا ينفي الموهبه بدليل بيومي فؤاد اتهاجم في المسلسل دا والناس أشادت بيه في مسلسل خيانه عهد ، لو في عمل معجبش معظم الناس وانا طبعآ منهم بصراحه ده وارد وبيحصل وحصل لناس ورجعو تاني ولو محصلش لناس فاكيد هيحصلهم في يوم ، وعدم التوفيق جزء من الشغلانه وخصوصآ في حته الكوميدي ، اللي هي أصعب حته خصوصآ مع شعب دمه خفيف ومش بيضحك بسهوله وسوشيال ميديا مخليه سقف الضحك يعلى كل يوم… حق الناس تزعل وحق اللى متوفقش ياخد فرصه تانيه طالما ده مش العادي بتاعه”.

وتابع “عمرو ” تعليقات متابعيه ومن ابرز التعليقات تعليق
“محمود الفايز”
وهي دى سر حلاوة الحياة
يوم تنجح… يوم تسقط… تفكر..تحلل..تتجنب أخطائك….. تشتغل على نفسك…تنجح تاني..تعيش بالأمل والحلم .أهم حاجة متقفش متحبطش متقعش تجتهد وتتعب وتشتغل طول ماعندك نفس”.

و الجدير بالذكر أن أخر أعمال عمرو وهبه مسلسل فلانتينو بطولة عادل إمام ،دلال عبد العزيز،حمدي المرغني ،داليا البحيري ،سمير صبري ،اخراج رامي إمام.

قد يعجبك ايضآ