أمل كداب

71

بقلم:سلوى صبح

قولي يا قلبي
هو إنت غاوي عذاب
فيه حد يحب سراب
يجري ورا أمل كداب
وإن جيت تدق الباب
تلاقيه سكر وداب
ولا إنتَ غاوي أذية
ودايماً تناكِف فيا
إعقل يا غُلبي شوية
وابعِد عن هوى الأحباب
حجبتك بألف حجاب
تبعِد عن هوى الأغراب
ما ينُوبك غير العذاب
وهتزعق على حظك يا غراب
إدفن حُبك جواك
ما هيصيبك غير آذاك
تشقى وتتوجع بهواك
ما كفاية جروحك سكناك
بتقطع جوة في حشاك
هو إنت مبتفهمش
أو غاوي ما تتعلمش
شفلك طريق غير ده
وإياك تفكر فيه
أصله طريق مسدود
مليان حدود وقيود
وإنتَ اللي تستاهل
بالسهل كدة تسافر
في طريق ما تعرفهوش
فيه ناس متفهماش
وحياة كدة جديدة
وقصص مش سعيدة
ارجع لعقلك فُوق
السكة دي بعيدة.

 

قد يعجبك ايضآ