رؤية وابداع

متزعليش يا أم الشهيد

إهداء إلى روح كل شهداء الوطن

 
بقلم/ الشاعر اسلام الديب

اه يابلد فيك الولد
يوم ماتولد ذاق المرار
قال الولد هحمي البلد
وروحه راحت في النهار
احكى عن سيرته وادبه
هقولك كان جدع وابن بار
كان قلب صافى وبسمة منورة
ولو قولتله ارمى روحك ف النار
كان ينفذ بسرعة واخد قرار
انه يضحى لأجل نعيش
بكرامة ونكون دايما أحرار
……
ماتزعليش يا ام الشهيد
ابنك بطل اليوم فى عيد
وماتبكيش وما تحزنيش
واتبسمى للقريب والبعيد
ابنك فى الجنة سعيد
صدقينى ربنا اختاره شهيد
وزعى الشربات ياامى وزغرطى
و ماتفكريش ابدا انه وحيد
وادعى ربنا فى صلاتك يرحمه
اصل الى زيه راح مفيش
واتاكدى اننا حالفين مية يمين
كل ايد نهشت و قتلت وضربت
وكل ارهابى خسيس فكر بطيش
بكرة نجيبه و نلفه بحبل ونشنقه
ونرجع حق إلى ماتوا عشان نعيش
ماتزعليش يا أم الشهيد

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا