جرح واجع

57

بقلم شادية محمد

ليه؟؟؟؟؟؟؟
جرح واجع جوة قلبي
حزن هاجم على البيوت
اجري ادور على الحقيقة 
القي وسط الفرحة موت
ايه في ايه حاصل ايه
ليه ما باسمع غير سكوت
ليه بتقتل ابن بلدك
في الشوارع و الكماين
اللي يحمي ضهر ولدك
من عدو غادر وخاين
ليه قتلته ذنبه ايه
ليه دا كان زينة الشباب
كان بيحمي حدود بلاده
وانت كامن ك الذئاب
راجل انت لما تحرم
ام من شوفة ضناها
ياك شيطانك قالك انك
فاتح القدس وحماها
لا دا انت يا بايع اهلك
قاتل ارهابي وخسيس
بعت ارضك
بعت عرضك
والتمن كان بالرخيص
دعوه بأدعيها يصيبك
نفس اللي سقيتنا منه
تتوجع في اقرب ماليك
مهما كان شكله وسنه
يومها تعرف يعني ايه
تتوجع ام في ضناها
راح يصونها رب قادر
وانت هيذلك دعاها
يومها تعرف يعني ايه
تمشي تقتل في العباد
والتمن هيكون دموعك
وانت ضايع في البلاد
عن بلادك عن ولادك
و بدموع الامهات
العذاب هيكون مصيرك
يومها تلقي الوقت فات

قد يعجبك ايضآ