فين من وعودك

71

بقلم أم هاشم العيسوي

أنت فين من وعودك
ياللي عشمتني بالحب
ليه تعودني ع وجودك
يا بير من الجرح أنا منه دوقت
يا حلم كنت فيه مضحكوك عليا
واديني دلوقتي منه فوقت
كنت تملي تقولي اني حياتك
كنت تقولي اني الأولي واني الأخيرة
يا اخي قل الإل
وتعب السر
دا من يومك ولا فرحه طلت ع ايامي ولا بتهل
وسيرتك ع لساني بقت شيء يعر
أنا اللي لما بفتكر ايامنا بمل
شوفت معاك ياما غش وذل
وصممت بكل ثقه في الماضي
اكدب راي الكل
لما قالو عنك واحد كداب
ومتعرفش معني الوفاء والاخلاص
لما كنت غبيه وصدقت كدبك
من اول الحوار ومن الأساس
يالا مع غيري جدد لعبك
يمكن تلاقي نفس المقاس
أنا كنت كتير عليك
واديني بعترف بغباءي
كنت لعبه بين ايديك
وأصبحت دلوقتي علتي وداءي
وفي النهايه حبه اقولك انك ع الشمال صفر
وان اللي بينا اهو مات وبالسلامة
وكدب اللي قال اللحم ميطلعشي من الصفر

قد يعجبك ايضآ