وشوش للبيع

238

بقلم / اسلام الديب

وشوش للبيع وشوش للبيع
قرب يا باشا قرب يا بيه
كدب على مية لون
ويبان في شكل وديع
******
ناس كدابة وناس نصابة
وناس بتغش كانها غابة
وناس تلعب بقلوب الناس
عايشة بتنهب زى عصابة
******
المعرض مفتوح لسعادتك
كانه سرك بيبع ف سعادتك
اكدب نافق يلا ووافق
على الوان الغش سيادتك
******
ليه بنهرب من الحقيقة
عيش الواقع كل دقيقة
كمل حلمك يلا وسافر
بكرة هتفرج وقت الضيقة
*******
لابس وش لونه الغش
طبعه الكدب زى القش
مهما تنافق بكرة تبان
زى الفار يدخل عش
*******
امسك قلمك يلا ولون
مليون وش يلا ودون
مرة بيكدب مرة بيهرب
من اصله دايما بيخون
******
عيش الواقع بلا كدب وزيف
عيش انسان راضى ونظيف
وارفع راسك دايما فوق
قول الحق لو عليك سيف
******
جوه منك حد صافى
اصلك من نبع وافى
تخطف القلوب بشعرك
حد صادق قلبه دافى
******
الحياة فيها رتوش
والضمير ما تعرفوش
تايه كله وسط غابة
فيها زيف جوه الوشوش
******
اكدب غش خليكى مدارى
طلع زيفك اااااه يا مرارى
دايما تظهر بقناع مكسور
ملعون وشك طلقك نارى
******

قد يعجبك ايضآ