أنا نسيتك

79

بقلم:سلوى صبح

جاني وقالي أنا لايص
وقلبي بالغرام حاسس
وببكي بالدموع تايب
على الحب اللي ضاع مني
وبتمنى في يوم إني
ألاقي الشوق في أحضانك
ويهدى القلب بحنانك
وأصير ليكي وخدامك
بكل الحب قدامك
ضحكت وقلت بتهواني؟
وقلبك قال ماينساني؟
آه وفين راحت دموع قلبي؟
هو إنتَ وقفت في يوم جنبي ؟
وقلبك انخلع ليا
ولا حسّيت في يوم بيا
وكنت في هوايا دايس
وقلبك لرضايا باصص
كلامك لسه بفتكره
أنا مقدرش أكون ليكي
ولاحسيت في يوم بيكي
كفاية علينا نبقى إخوات
شوفي غيري غرامه بيكي
يقويكي وتنسي معاه جراح قلبك
وقلت أنسى -طب أنسى إزاي؟
وصوته يرن في وداني
لكني قسيت في لحظة نسيت
وياما آسيت-تقولي هويت؟
هقول عود يا زمان تاني
تفكر إني أبقي تاني ليك؟
مجرد واحدة موجودة؟
وأول ما تحس إنت بالوِحدة
تناديني وألبي نداك
وابقى هواك ونعيد القصة من تاني
ولما تعدي واحدة من توبك
هتنسى إني كنت هواك!
ويتعجب!مليت قلبك حكاوي كتير!
بتسكن فيه بحجراته
وأنا قلبي ومحطاته
ما وقفت لحد غير ليك
ولا صفر قطار قلبي
غير لما داستُه رجليك
نصيحة وخدها من قلبي
روح دور علي اللي يليق بيك.
#بالعامية بقول

قد يعجبك ايضآ