حبيبتي ست كل الناس

بقلم سلوى صبح

حبيبتي سِت كل الناس
دي قمراية وضلاية
أنا مشتاق لديل توبك
ده حب القلب مكتوبك
وليل البُعد ما ينداس
دلال طبعك يا ست الناس
غوى القلب ورماه محتاس
وأصبر قلبي على شوقه
وجبت لقلبي وجع الراس
ملاني الشك والوسواس
قولي لي كلمة ترضيني
ده وجع القلب ماليني
ولا في الطب يداويني
ده عشقك مالي قلبي حماس
وَيَا فضيحتي مابين الناس
على وشي اترسم إحساس
وشوق لصبية شغلاني
مافي نظيرها مابين الناس
قولي لي يا حلوة يا صبية
يا شاغلة القلب والنية
أداري الحب والغية
ولا في أمل تاني
تنور بيه لياليا
وتبقي مراتي يا صبية
وأشوف الفرح بعنيه
وأغزل عمري توب ليكي
يهنيكي يخليكي
عروسة البحر يا حورية
يا نعمة من السما هدية
لقلبي وروحي وعنيه
ماتيجي نعقد النية
نجيب مأذون
يكون مهرك شقا إيديا
وابني ليكي بِنِيه
وأزيينها بعقد ريحان
يليق بيكي وأهديكي
قصايد حب
وأغنيلك أجمل الألحان
حبيبتي يا ست كل الناس.

# بالعامية نقول.