بيسكن وجعي

150

بقلم / اسلام الديب

بيسكن وجعى جوه العين
وانا ساكت وقلبى حزين
يبان من برة سعيد جدا
لكن شايل هموم لسنين
****
بيسكن جوه قلبى كلام
وانا عايش على الاحلام
اخاف افرح تقلب حزن
ويمشى من غير سلام
*****
بيسكن وجعى جوه حروفى
و كلام محشور فى جوفى
بتطلع منى نار واهات
ودموعى تنزف من خوفى
****
بيسكن وجعى فى وريدى
شموع الحزن على أيدى
وتغرب شمس افراحى
وييجى الليل بتنهيدى
*****
بيسكن جوايه مليون اه
بعدى واقول عادى حياة
بحاول انسى شوية الوجع
لكن بسرح وقلمى معاه
******
بيسكن وجعى جوايه
وسكة طويلة بمشيها
خلاص الصبر فاض بيه
واقول لليل عديها
******
بيسكن وجعى ع الأوراق
شوية حزن ع الم وحبة فراق
وينزف من تعبى حبر القلم
وتبقى الفرحة مجرد اشتياق

قد يعجبك ايضآ