حُبك أكسجين

148

بقلم:سلوى صبح

وحشتني
هي كلمة قليلة
بس في الأصل كبيرة
وحشتني
شوقي يوصل للسما
وابقى بلقاك الأميرة
وحشتني
أيوة بقولها حِسها
كلمة مش سهلة وخطيرة
إنت عارف شوقي ليك
هد فيا حاجات كتيرة
شوق بيجرح قلبي لكن
داوى فيا عطش سنين
سد رمقي وآوى دمعي
فرشت له قلبي حصيرة
وجبت قلة كبيرة خالص
واتملت حب وحنين
إنت فاكر إني هنسى
يوم جمعنا إحنا الإتنين
كل فكرة وكل ذكرى
شفت بعديها الويلين
وَيْل لحب هجر حبيبه
وويل لشوق عمره ما يسيبه
وأما تيجي كل ليلة
أتحبس وَيَا الأنين
وأطحن وأبقى عجين
آه يا حب جراحه غايرة
آه يا قلب في جوة دايرة
دايرة بتدور وإنتَ فيها
ماشي في عروق الوتين
وأعمل إيه في الشوق يا قلبي
حبي مكتوب على الجبين
غصن حبك جوه صدري طارح
شجر حب وحنين
اهرب منه اروح شمال
يجي في الناحيه اليمين
دانتَ جوايا يا عمري
شوق وحب -عطش سنين
إوعى بالشوق تستهين
أصل حبك أكسجين.
قد يعجبك ايضآ