هاجر أحمد لـ سهرانين… “عشقت التمثيل منذ صغري” ورامي صبري يرد “لدي تؤام مختلفين”

✍️✍️مادونا عادل عدلي

استضاف الإعلامي والفنان امير كرارة، المطرب رامي صبري والفنانة هاجر أحمد في برنامجه سهرانين، المُذاع عبر فضائية “أون إي”.

تحدثت هاجر أحمد عن ابنتها قائلة: “أنا بعمل عيد ميلاد لابنتى كل شهر عشان كل يوم بيعدى بعتبره إنجاز وهى عندها 7 شهور دلوقتى”.

واستكملت هاجر أحمد تصريحاتها : “أنا كنت أرغب ان أسميها إيزابيل لأني كنت بعمل مسرح إسبانى وكان عجبانى الشخصية اللى بعملها وكان اسمها إيزابيل، وكنت مقررة أسمى بنتى بالاسم ده، بس أحمد زوجي رفض وأحب أن يسميها غالية وأنا وافقت”.

وعن طفولتها قالت هاجر أحمد: “وأنا صغيرة كنت شقية وبلعب كتير جدا واحنا 9 إخوات، والفرق بينى وبين أخويا الكبير 18 سنة”.

وتحدث رامى صبري عن حياته الاجتماعية وقال… “أنا لدي توأم بس الاتنين متفاهمين في حبهم للكرة ومختلفين عن بعض خالص في كل حاجة، يعنى واحد عصبى وواحد عادى واحد بيحب الفلوس والتانى لأ، عندك مثلا عمر عنده حصالة محوش فيها بتاع 30 ألف جنيه، ياخد منى ومن والدته ويحوش، ولما تيجى والدته تستلف منه مثلا فلوس كام يوم ويقولها إنتى أخدتى منى فلوس أنا عاوزهم، أما على مش بيحب الفلوس ولا أي حاجة.

وعن طفولته قال رامى صبرى: “وأنا صغير كنت طفل هادى ومش بتاع مشاكل ولا خناقات، واحنا 5 إخوات، بس أنا أكبر واحد فيهم”.

حيث تحدثت الفنانة هاجر أحمد عن بداية مشوارها في مجال الفن فقالت

“كنت بحب التمثيل من صغري، من قبل المدرسة كان والدى بيروح يصلي في المسجد وكان بياخدنى عشان أصلي”.

وعن الشخص الذي ساعدها أشارت إلى أن المخرج تامر محسن ساعدها كثيرًا في بداية مسيرتها الفنية، حيث قالت… تجربتي مع تامر محسن في مسلسل هذا المساء كانت في غاية الأهمية”.

وتابعت… “بداية عملي مع تامر محسن كانت لطيفة وأثر في مسيرتي وبعد عملي معاها تلقيت عروض فنية كثيرة”.