رؤية وابداع

ضعف

بقلم : أمل المنشاوي

وقلبي خذلني من تاني
ولما ناديتله ما سألش
جفاني وسابني في السكة
وراح لعينيك
ولما عاتبته ما خطرش
في باله يقولي لو كلمة

وداب في إيديك

وكبلته بأغلالي
فمهتمش
وراح يكتب قصايده فيك
وهددته بإن مكانه في ضلوعي
ما راح يبقى متاح للحب
راح أقفل كل أقفاله
ويسكن برة لو عاوز ضلوع تحويك
فيضحك من قرارتي
ويغمزلي بطرف عينيه
ويحفر جوا شرياني حروف إسمك
وانا بناديك
وانا محتارة في هوانه
وخذلانه
ومهما حاولت أقوي قلوعه قدامك
يبعني بأبخس الأتمان
ويجري عليك عشان يشريك
سحرته وسحرك الغالب
ومهما حاولت مش غالب
ضعيف قلبي بأشوقه
وبحنينه وخوفه عليك
ضعيف قلبي ومش صابر
على بعدك ولا قادر يعيش بعديك
ضعيف قلبي
ومن ضعفه بيرسم صورتك الحلوة
على جداره وبيقولك
بموت أنا فيك

ضعف
ضعف

للمزيد من المقالات اضغط هنا

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا