خط الخير ..عمرو الليثى يوجه رسالة لليائسين إتعلموا من توماس أديسون على راديو مصر 

2

خط الخير ..عمرو الليثى يوجه رسالة لليائسين إتعلموا من توماس أديسون على راديو مصر 

 

سامح عبده

وجه الإعلامى دكتور عمرو الليثي بمقدمة برنامجه ” خط الخير” على راديو مصر دعوة للناس اللي إستسلمت لشعور اليأس والتشاؤم .

قائلاً أوعى تخلي اليأس يتمكن من روحك ويخليك تنسى لذة السعادة والحياة ، الإنسان الناجح عمره ما إستسلم أبدا للفشل واليأس ولو وقع مرة بيقوم ويقف على رجليه مليون مره.

و تابع الليثى وأنت يا سيدي ياللي سبت الشغل وفاكر إن دي النهاية عايز أقولك لا دي بداية لمكان أحسن ، كام مرة إسودت الحياة في عينينا وعدت ، كم مرة فقدنا الأمل وعدت ، كم مرة قولت مفيش فايدة وعدت ، كم مرة وقعت وقمت وعدت

وأردف الليثى عايز أحكيلكوا عن قصة توماس إديسون

الطفل اللي إتولد في أمريكا وتعلم في المدرسة ٣ شهور بس عشان ناظر المدرسة شافه طالب غبي وطرده من المدرسة.

للمزيد من الاخبار اضغط هنا

عايز أقولكوا إن الطالب الغبي ده سجل ( ١٠٩٣) براءة إختراع وهو لحد دلوقتي رقم قياسي في براءات الإختراع.

لما إتحكم عليه إنه طفل غبي مستسلمش ووالدته ساعدته وعلمته في البيت.

وهو أول من إخترع المصباح الكهربائي وإنشاء محطة لتوليد الكهرباء ووزعها على البيوت والمحلات ، أديسون بإختراعه قدر ينور العالم كله،  مش بس البيوت.

قصة أديسون من أروع القصص العصامية والكفاح وإنه مستسلمش لليأس

إوعى تستسلم لليأس ولحظات ضعف في حياتك عشان بعد كدا لما تفتكرها تبقى فخور بنفسك فخور إنك وصلت لهدفك وبنيت نفسك رغم كل الصعوبات والظروف .