حب ملوش نهايه

21

رؤية وطن

 

حب ملوش نهايه

بقلم نورهان مدحت

ضحكتك سكره
وعيونك منوره

بشوف الأمل فيكِ
والخير كله مليكي

بعشقك وبعشق لون
عنيكي

يا أجمل هديه
بعتها القدر ليا

يا حب ملوش نهايه
عشقتك وعايشه جوايا

تسمحيلي أرمي همومي
بين كفوفك
والحن أغنيه بصوتك

وأحكي للناس عن جمالك وكسوفك

تسمحيلي يا صبيه
تبقي طيري أبقي غيه

تبقي شمسي وتبقي قمري
وتبقي كل حاجه ليا

وشك بدر منور في وقت الغيوم
وقلبك يسحر مليون مهموم

أنتِ قصه كبيره وحكايه
يتكب عنك روايه

يا ساكنه القلب من جوه
يا اجمل قصه ونهايه

أوعدني تبقي جمبي مهما أكون
وحبي ليكي يفضل مالي الكون

وافضل عايش جواكي لحد ما أموت