بكره غايب

رؤية وطن

بكره غايب
بقلم د. باسم موسى

كل فاس في أرض ضارب..
حر شمس وفيه أسير..
والعرق بقى نهر جارف..
يبعد المحصول كتير..
والتعب في الأرض داب..
راح وضاع جوه التراب..
حلم تاه وسط السراب..
فابتدى زمن العذاب..
…
حد قام من تاني شابب…
قلبه نابض عقله غير..
قال ما نضرب فاسنا تاني..
كل أرض وفيها خير..
جاله من تحت الجواب..
ضعف هايج واكتئاب..
قفل شوه كل باب..
والأمل خطفه الضباب…
…
المجال بقى للمضارب..
واللي شايله صار أمير..
م الحقيقة أصله هارب..
والحقيقة، فيه مصير..
ناسي إنه بكره غايب..
ع الفؤوس دايما يعايب..
والطريق فارشه بمصايب..
بكره حيشوف م اللي غالب..