رؤية وابداع
غريب وقريب
غريب وقريب
بقلمي سلوى صبح
دايماً بحس إنك إنت ..الغريب
اللي من قلبي ..قريب
إنتَ الحبيب
أوفى صديق
رفيق ..طريق
يعني إيه تبقى غريب
ورؤيتك بترد روحي
يعني إيه بتكون بعيد
وهمستك بلسم بيداوي جروحي
لما تغيب بيشد قلبي
لك رحاله ويهدى لما
ببسمتك تلملم شتاتي
وبقربي منك بسترِّد
كل ذاتي
وبلمستك بتمسح آهاتي
وبكلمتك بتزلزل ثُباتي
وألاقي شغفي بينطلق
صاروخ
وألاقي عمري بيستخبي
من الكسوف
حُبي يِبان
في عنيه يظهر لأنه كيان
دي طلتُك بركان حنان
حضنك هو ده الأمان
بدارَّى فيه من كل خوف
جوه عنيك
تحت الجفون
برمي شكي والظنون
يشرق جوايا الحنين
ليك إنت وحدك
مش لبعض المدعِين
الحب منك له معاني
ومعاك بشوف سكنِّي ومكاني
وأقول تاني في عنيك أماني
بحبك إنتَ ..حُبك عنواني
يا غريب زماني
وقريب لنفسي
بتحرك نبض قلبي
وساكن روحي ووجداني.
إتبعنا
