رؤية وابداع
عيونك طريقى
بقلمي ساره محمود
عيونك طريقى
فى سكتى كانت ترحالى
بصيت لاقيتها سكنى و موالى
لاقيتك فى السكه عنوانى
لاقيتك بين نبضى ووريدى
يا أجمل صدفه قابلتنى فى عمرى
يا أجمل ما فى حياتى
شفتك لاقيتنى
عيونك ضمتنى
و أخدتنى لدنيا هناك بعيد عنى
لا كنت أعرفها و لا هى عرفتنى
أخدتنى منى
صالحتنى عليها و بقيت بيها
وصبحت هى عنوانى
يا أحلى ما فى خيالى
صبحت انت موالى
بتغنى عليه فى ليلى و نهارى
شفت انت كنت ايه و بقيت إزاى
غيرت حالى و كأنى بقيت حد تانى
لبست توب الفرحه من تانى
وخليت البسمه بتزورنى يوماتى
شفت ازاى خليت الدنيا تضحكلى
و صالحت بيك الحياه من تانى
عيونك خلتنى أكتب من تانى موالى
إتبعنا