أرواح الهوا

55

رؤية وطن

أرواح الهوا

بقلم إيمان عدوي

مسابقه

حضرت أرواح الهوا
والعشق في خيالي

بشموع كتيره مرصوصه قدامي

ياعشق باين في الدفاير

ملفوف على جبين الحبايب

مربوط بالحب اللي غايب

في حب الصبر دايب

سرحت في ليل السهر

بكتب قصايد عند القمر

مكتوب علي جزوع الشجر

قصة حياتي مع القدر

وأتوه وسط الغيوم

وأخلع ستار الهموم

كأني لسه بتولد اليوم

وأقوي من تاني وأقوم

كأني عن ضعفي بصوم

وأهرب بحالي عن حزن بالي

وأهرب بحالي عن حب فاني

أخدني ونساني حالي

وأعيش حياتي

وأطفي بالقوه أهاتي

أنا ضد إني أنكسر

جوايا صبر ما بينكسر

أنا ضد إني أكون ضعيفه
جوه الشجن أتحبس

أنا روح بريئه ما بتتقتل

إسمع ياعقلي وافتكر