لازم أرحل
لازم أرحل
بقلمي:سلوى صبح
————-
من دون كلام
لازم أرحل بسلام
لما توصل الحكاية للنهاية
بإيديك يا حب عمري
لازم أرحل
لما توئد كل بصيص أمل جوايا
حتى الكلام أصبح ملام كده..
لازم أرحل
لما يجي اليوم وأحس إني مش عزيزة
وعادي يعني..
لازم أرحل
لما ألاقي قلبك أصبح حجر جواك
صخور متحركة نحو القبور..
لازم أرحل
لما ينطفي جوايا شوقي من كلامك
وأصمت بخوف..
لازم أرحل
لما تصبح قسوتك عنوان غرامك
حتى حبك يختفي جوة كلامك..
لازم أرحل
لما يخلص الود اللي بينا والأماني
اللي بنيتها سنين طويلة..
لازم أرحل
لما أكون في عينيك غريبة مش حبيبة
وتضيع سنين ضحيت عشانك..
تبقى هي دي المصيبة ..
ولازم أرحل
لما ألاقي إنسان أناني غير اللي عرفته
رافض يكون غير نفسه وألقاني بضيع..
لازم أرحل
لما أدور على اللي بيننا ساعتها
ألقى رماد يطير والريح شديدة..
لازم أرحل
لما حبيتك وكنت لك القريبة
والصديقة والحبيبة والصوفية في حبك
وألقاني في صراع ..
لازم أرحل
حبك هدّ فياّ حاجات كتير والغريبة
كنت بعاني وأنا سعيدة إني بريدك
واكتشفت إن كل شئ من دوني
عادي جداً معدتش تفرق للأسف..
أنا لازم أرحل.
#وشوشات عاشقة. بتغرق
